Orbil cruza a ponte e vai de paseo por Pontevedra
Orbil, a mascota do #SalondoLibro, cruzou a ponte esta mañá para visitar a zona vella de Pontevedra, onde se atopou cos nenos do colexio San José, cos que xogou durante un bo rato na Praza do Teucro, e con numerosos cidadáns, que quixeron posar con el para unhas fotos moi divertidas. Ademais, Orbil aproveitou para ver os escaparates de 'Retallos de conto' e as pegatinas de 'A invasión dos cromas', todos eles feitos polo XVI Salón do libro, así como os carteis colgados pola rúa Real.