Pazo da Cultura
Seminarios
Foto: Rafa Vázquez
Concibidos como espazos multiusos, o Pazo da Cultura dispón de oito seminarios que se adaptan con absoluta liberdade a calquera tipo de encontros e reunións profesionais. Así, constitúen o lugar idóneo para a organización de intensas xornadas de traballo.
Trátase de salas amplas e luminosas que contan cos medios necesarios para a celebración de actos de moi diversa índole, desde cursos e xornadas, ata obradoiros, presentacións de produtos...
Cada seminario ten capacidade para un total de 40 persoas e está equipado coa tecnoloxía máis avanzada para satisfacer toda clase de necesidades. Grazas á mobilidade da súa disposición, estas salas permítennos distintos modelos de posta en escena: tipo teatro, tipo escola, en patio andaluz, en forma de U...
Características técnicas
Situación
- Seminarios 1-4: primeiro andar
- Seminarios 4-8: segundo andar
Dimensións
- Superficie: 61 m²
- Alto: 3 m
- Ancho: 7,8 m
- Longo: 7,8 m
Recursos técnicos
- Proxector de vídeo, de diapositivas e de transparencias
- Monitor 28”, vídeo VHS
- Reprodutor de CD e de cassette
- Pantalla con trípode de 1,60 x 1,80 cm
- Taboleiro encerado
- Existen 4 tomas de corrente distribuídas por cada seminario
- Posibilidade de instalar liñas telefónicas