La Imagina Machina presenta o seu novo espectáculo, Ubú Rei, unha comedia musical. O clásico contemporáneo volve percorrer os escenarios galegos. Ubú, esa grotesca marioneta, conquista o poder pola violencia e a traizón, e continúa exercéndoas movido por un desaforado e obsceno apetito de dominación. Unha farsa sobre os dramas shakesperianos en clave musical. Un espectáculo onde o humor, o grotesco, o xogo da máscara, as cancións, unha escenografía impactante e un traballo de iluminación e proxeccións fan desta montaxe un verdadeiro espectáculo multimedia. Seis actores e actrices dan vida a unha divertida comedia musical, a este delirante Ubú REInventado!