Esta exposición recrea a moda nupcial desde o Romanticismo até a actualidade. Versión reducida da mostra do Museo del Traje de Madrid, está composta por un total de 19 vestidos e doce unidades de zapatos, que pretenden amosar de forma breve como mudaron as prendas segundo os caprichos da moda. Todos os traxes foron donados polas súas propietarias, entre as que destacan a princesa Nora de Liechtenstein, Marita March, ou a mesma duquesa de Alba. As prendas son todas de cor beige ou branco, a pesar de que durante a época de entreguerras as mulleres adoitaban vestir de negro para a cerimonia da voda. Asemade, foron elaboradas basicamente por deseñadores españois; os únicos estranxeiros son Valentino (Italia) e Rino Orán (Arxelia).