A acción xira en torno a dous magos, de orixes ben distintos. Un deles é galego, o outro arxentino. Xuntos descobren que no fondo non teñen tantas diferenzas e que a súa gran paixón é a maxia e compartir esta co público, transportándoo a unha nova realidade onde non hai barreiras, onde non hai normas, onde todo toma un novo significado, onde non existe a palabra imposíbel. Neste espectáculo nada é o que parece e nada parece o que é.