O pianista e compositor italiano Ludovico Einaudi é un dos máis populares expoñentes da corrente new age, con elementos de música clásica, folk e jazz. Chega a Pontevedra para presentar o seu último disco Divenire, no que amplía o seu marco musical ao utilizar, ademais do piano, a orquestra sinfónica e secuencias disparadas desde un Ipod. Coa súa música, que se pode describir como minimalista, clásica, ambiental, contemporánea e intimista, consegue crear un ambiente sonoro único e característico.