Seun Kuti pon o colofón ao Ciclo Con Voz Propia revivindo a máis orixinal encarnación do Afro Beat, a corrente musical creada polo seu pai, Fela Kuti. Del herdou a forza e a explosión musical, ademais de relevalo á súa morte como director, cantante solista e saxofonista na lendaria banda Egypt 80, coa que tocará en Pontevedra. Tras numerosas xiras por EEUU e Europa onde obtiveron un enorme éxito de público, agora presentan o seu primeiro disco Many Things, fusionando o Afro Beat con estilos de música diferente como o rap ou o hip hop.