A mostra exhibe as creacións máis recentes dos deseñadores galegos. Organizada pola Concellaría de Cultura e a Asociación Galega de Deseñadores (DAG), presenta unha escolma de corenta logotipos, marcas e identidades seleccionadas a partir dunha convocatoria aberta: desde o emblema da selección galega de fútbol ás Galescolas, pasando polo Xacobeo 2010 ou Galicia Calidade. Mesmo pode verse o logo deterxente Disiclín. Completan "DIÁLOGOS 09" a mostra En torno da Baskerville, onde trinta deseñadores transforman un mesmo libro en vinte e unha propostas sorprendentes e o audiovisual O ollo na rúa. Sinais de identidade, que amosa os resultados dun obradoiro de tipografía realizado nas rúas de Compostela.