Un espectáculo no que os nenos e nenas son os auténticos protagonistas coa participación activa dos seus pais e nais. O humor centra esta peza na que se desenvolven diferentes comedias de situación creadas a partir da improvisación no escenario. Xunto aos trucos de maxia, haberá tamén elementos de mimo e clown, xogos con panos, ovos, xornais e outros elementos cotiáns convertidos en utensilios máxicos.