Caramuxo Teatro presenta o gran éxito editorial galego: Os Bolechas, unha comedia musical con monicreques. Un espectáculo que nos amosará un día na vida desta divertida familia, onde coñeceremos as ocorrencias do pequeno Tatá, as travesuras de Chispa, a Braulio e Sonia, as xemelgas Pili e Loli, e a Carlos, o máis vello dos irmáns.

OS BONECOS Os bonecos utilizados no espectáculo son tipo Muppets e están tallados en gomaescuma. A elaboración dos títeres encargóuselle a Marcelo Fernández, recoñecido titiriteiro arxentino, que ten relizados traballos para teatro, cinema e televisión en diferentes lugares do mundo.