PACAMA é un espectáculo interactivo: unha exploración de xogos entre dous amigos que antes de durmir descobren un mundo de aventuras que distrae o seu sono. A súa predisposición e inxenuidade lévaos a atopar a diversión no máis sinxelo, en todo o que os rodea, nun contorno tan acolledor coma un dormitorio. Un xogo leva a outro, dende unha pelota ata unhas almofadas que fan de ás para voar, pasando polas sabas axitándose no aire, a toalla enrolándose y desenrolándose, a luz apagándose e acendéndose, e uns pequenos monicreques en forma de ollos que se bican.