Dentro da ampliación da programación do 11º Salón Infantil e Xuvenil a compañía de títeres Cachirulo traerá "Do, Re, Mi, Mozart xoga aquí" ás "Tardes na Sala" que se celebran na Sala de Exposicións do Pazo da Cultura ás 18:00 horas.

Inspirándose na vida do compositor musical, Cachirulo títeres trae ao Salón do Libro Infantil e Xuvenil un espectáculo de marionetas de fío talladas en madeira, que desenvolven a acción nun retablo barroco. A invitación do emperador para que Mozart interprete a súa música provoca a envexa do mestre de cámara, que tentará impedir o concerto sen chegar a conseguilo.