"1001, UNHA ODISEA NO DESERTO" recolle a atmósfera do máxico exotismo que envolve as míticas historias de "AS MIL E UNHA NOITES", creando a partir dela un espectáculo idóneo para todos os públicos, repleto de bo humor, poesía e aventuras.

Todo iso imbricado nun entrañable relato que fala do valor da amizade e do marabilloso poder evocador da literatura.

O vello Said é un magnífico narrador capaz de cativar aos seus oíntes durante horas. Karim é un novo pastor cheo de curiosidade, que cada noite déixase arrastrar a ese fabuloso mundo de aventuras, poboado por califas e princesas, por mercadores e ladróns, por alfombras voadoras e lámpadas marabillosas con xenios no seu interior...

Karim adora a maxia deses relatos, pero cada amencer devólvelle á crúa realidade do traballo duro para axudar á súa familia. Ata que un día, o seu mestre o vello Said, regálalle un caderno manuscrito onde están recollidas todas esas historias e unha vella lámpada para ler nas noites sen lúa.

E a partir dese instante todo na súa vida cambiou.

A duración do espectáculo é de 60 minutos e está recomendado para públicos infantís, a partir dos 6 anos de idade.