Joan Manuel Serrat, unha das figuras máis salientábeis da canción moderna tanto en lingua española coma catalá, volve homenaxear ao poeta Miguel Hernández no seu novo disco, “Hijo de la luz y de la sombra”, con motivo do centenario do seu nacemento en 2010. En palabras do propio Serrat, “hai creacións de xuventude como ‘La palmera levantina’, ‘Ay del ay por el ay’, ‘El silbo del dale’, ‘Las abarcas desiertas’ ou ‘Tus cartas son un vino’; tamén outros da guerra, como ‘Canción del esposo soldado’, ‘El hambre’ ou unha homenaxe que fixo aos brigadistas internacionais que titulei simplemente ‘Canción’”. Estes temas e outros clásicos de Serrat soarán en directo na súa xira “Hijo de la luz y de la sombra".